वीरगञ्जमा मृत्यु भएकी युवतीमा कोरोना संक्रमण पुष्टि
पर्सा, ९ साउन । पर्साको वीरगञ्जमा कोरोना भाइरसको संक्रमणबाट एक युवतीको मृत्यु भएको छ । योसँगै नेपालमा कोरोनाले मृत्यु हुनेको संख्या ४५ पुगेको छ ।
मृतक बारा परवानीपुर गाउँपालिका-४ घर भएकी १७ बर्षीया युवतीको पीसीआर रिपोर्ट पोजेटिभ आएको हो । गण्डक कोभिड अस्पतालमा उपचाररत ती युवतीको दिउँसो मृत्यु भएको थियो । बेलुकी आएको रिपोर्ट पोजेटिभ आएको नारायणी अस्पतालका मेसु डा. मदन उपाध्यायले जानकारी दिए ।
