उदयपुरमा बम बिष्फोट, सौर्य सिमेन्ट उद्योगमा क्षति
उदयपुर, १९ मंसिर । उदयपुरमा अज्ञात समूहले बम विष्फोट गराएको छ । कटारी नगरपालिका–८ भन्टाबारीस्थित सौर्य सिमेन्टको चुुनढुुंगा खानीमा एकै ठाउँमा चार वटा बम बिष्फोट भएको प्रहरीले जानकारी दिएको छ ।
बम बिष्फोटबाट भौतिक क्षति भए पनि मानवीय क्षति छैन । बम बिष्फोटपछि भाग्ने क्रममा केही स्थानीय घाइते भएको उदयपुर प्रहरी प्रमुख एसपी भिमप्रसाद दाहालले जनाएका छन् ।
राति आएका अपरिचित व्यक्तिहरुले हप्काएर आफूहरुलाई बाहिर निकालेर बम बिष्फोट गराएको त्यहाँका श्रमिकले बताएका छन् । त्यहाँ रहेको एउटा मोटरसाइकल र स्काभेटरमा पनि आगजनी गरिएको छ । घटनाबारे थप अनुसन्धान भइरहेको एसपी दाहालले बताएका छन् ।