भ्यालेन्सियामाथि रियल मड्रिडको सहज जित
काठमाडौं, ३ फागुन । स्पेनिस ला लिगा फुटबलमा साविक विजेता रियल मड्रिडले सहज जित निकालेको छ ।
गए राति भएको खेलमा रियलले भ्यालेन्सियालाई २ शून्य गोल अन्तरले पराजित गरेको हो । घरेलु मैदानमा रियललाई जित दिलाउन करिम बेन्जिमा र टोनी क्रुसले एक एक गोल गरे ।
भ्यालेन्सियामाथिको जितसँगै रियल लिगको दोस्रो स्थानमा उक्लिएको छ ।
रियलले २३ खेलमा ४९ अंक जोडेको छ । तर, रियल शीर्ष स्थानको एट्लेटिको मड्रिड भन्दा अझै ५ अंकले पछि रहेको छ । भ्यालेन्सिया २४ अंक जोडेर १२ औं स्थानमा रहेको छ । ला लिगा अन्तर्गत नै रियल सोसीडाडले गेटाफेलाई १ शून्यले हराएको छ । एजेन्सी