युरोकप फुटबल : अस्ट्रिया र नेदरल्याण्ड्सको विजयी शुरुवात
काठमाडौं, ३१ जेठ । युरोकप फुटबल अन्तर्गत गए राति भएको खेलमा अस्ट्रियाले नर्थ म्यासेडोनियालाई ३– १ गोलले हराएको छ । अस्ट्रियाका लागि स्टेफन, लाइनर र मार्कोले गोल गरे । नर्थ म्यासेडोनियाको लागि गोरन पाण्डेवले एक गोल फर्काए ।
गए राति नै भएको अर्को खेलमा नेदरल्याण्ड्सले युक्रेनलाई ३–२ गोलले हरायो । नेदरल्याण्ड्सका जर्जिनियो विनाल्डम, वाउट वेगहोस्ट र डेन्जल डम्फ्राइजले एक–एक गोल गरे ।
युक्रेनका एन्ड्री यार्मोलेन्को र रोमन यारेमचुकले एक–एक गोल फर्काए । नेदरल्याण्ड्सले ५२, ५८ र ८५ औं मिनेटमा गोल गर्यो । यस्तै युक्रेनले ७५ र ७९ औं मिनेटमा गोल फर्काए पनि जितको लागि पर्याप्त भएन ।