सानिमा बैंकको प्रमुख कार्यकारी अधिकृतमा निश्चलराज पाण्डे
काठमाडौं । सानिमा बैंकको प्रमुख कार्यकारी अधिकृतमा निश्चलराज पाण्डे नियुक्त भएका छन् । बैंकको सञ्चालक समितिले पाण्डेलाई २०७८ माघ १२ देखि लागू हुने गरी प्रमुख कार्यकारी अधिकृतमा नियुक्त गरेको हो ।
२०७० सालदेखि सानिमा बैंकमा कार्यरत पाण्डे असोज २०७८ देखि बैंककै नायव प्रमुख कार्यकारी अधिकृतको काम गर्दै आएका थिए । बैंकिङ्ग क्षेत्रमा २६ वर्ष अनुभव लिएका पाण्डे यस अघि नविल बैंकमा १८ वर्ष काम गरिसकेका छन् ।
