एफए कप : टोटनह्याम र लिभरपुलको जित
काठमाडौं । गए राति भएका एफए कपको आ-आफ्नो खेलमा टोटनह्याम र लिभरपुलले जित हात पारेका छन् । कपको चौथो चरणमा प्रवेश गर्ने क्रममा टोटनह्यामले मोरक्याम्बेलाई ३-१ गोल अन्तरले पराजित गरेको हो भने लिभरपुलले श्रेसबरीलाई ४-१ गोलले पराजित गर्यो । टोटनह्यामलाई जित दिलाउने क्रममा ह्यारी केन, लुकार मौरा र ह्यारी विंक्सले १/१ गोल गरे ।
लिभरपुलका लागि भने फाबिन्होले २ तथा फर्मिन्हो र काइडे गोर्डनले १/१ गोल गरेका थिए । कोरोना संक्रमणको कारण लिभरपुलको टोलीमा ५ जना नयाँ खेलाडीहरु राखिएको थियो ।
यद्यपि उनीहरुले टोलीलाई निकै महत्वपूर्ण जित दिलाएका हुन् । यसअघि लिभरपुलको टोलीमा कोरोना संक्रमण फैलिएसँगै आर्सनलसँगको कारबाओ कपको सेमिफाइनल खेल पनि स्थगित भएको थियो ।
