भक्तपुरमा एक व्यक्तिको शव फेला, हत्या आशंकामा चार जना पक्राउ
भक्रपुर । भक्तपुरको मध्यपुर थिमी नगरपलिका-८ बोडेमा एक ५१ वर्षीय पुरुष मृत्त फेला परेका छन् । थिमी नगरपालिका-८ मा बस्दै आएका कल्याण साहुको हत्या भएको आशंकामा चार जनालाई पक्राउ गरिएको जिल्ला प्रहरी परिसर भक्तपुरका डिएसपी राजु पाण्डेले जानकारी दिए ।
आइतबार बिहान बोडेस्थित लर्ड बुद्ध स्कुल अगाडि कल्याणको शव भेटिएको थियो । घटनास्थलमा फेला परेको काठको फर्मामा रगत देखिएको डिएसपी पाण्डेले बताए । काठको फर्माले हिर्काएर साहुको हत्या गरिएको प्रहरीको प्रारम्भिक अनुसन्धान निष्कर्ष छ ।
मृतकको शव पोष्टमार्टमका लागि दुवाकोटस्थित काठमाडौं मेडिकल कलेजमा राखिएको छ । घटनाबारे प्रहरी वृत्त थिमीले अनुसन्धान गरिरहेको छ ।
