नेपाल बंगलादेशसँग बराबरी, फाइनलमा पुग्न भारतको खेल कुर्नुपर्ने
काठमाडौँ । समूह चरणको आफ्नो अन्तिम खेलमा बंगलादेशसँग १-१ गोलको बराबरीमा रोकिएसँगै साफ य- २० च्याम्पियनसिपको फाइनल प्रवेशका लागि नेपालले भारतको खेल कुर्नपर्ने भएको छ ।
भारतको भुवनेश्वरस्थित कालिङ्गा रंगशालामा भएको खेलमा बराबरी खेलेसँगै बंगलादेशले फाइनल स्थान सुरक्षित गरेको छ । अब, नेपाल र भारतमध्ये एक टोली फाइनल पुग्ने छन् ।
समूह चरणको अन्तिम खेलमा आज साझ सवा ७ बजे भारत र माल्दिभ्स भिड्दै छन् जुन खेलमा भारत पराजित भए नेपाल फाइनल पुग्नेछ । यदि भारतको जित या बराबरले भने भारत नै लगातार फाइनलमा स्थान बनाउने छ ।
