गायक राजेश पायल राई दुर्घटनामा, गायक राईले भने, ‘सेफ छु’
काठमाडौं, २३ चैत । भर्सटाइल गायक गायक राजेश ‘पायल’ राई सवारी दुर्घटनामा परेर घाइते भएका छन् । गुल्मी महोत्सवमा सहभागी हुन जाने क्रममा उनको गाडी दुवीचौर भन्ने स्थानमा दुर्घटना भएको हो ।
गायक राई चढेको गाडीलाई पछाडिबाट ट्याक्सीलेले ठक्कर दिएको उनले बताए । उनको टाउकोमा सामान्य चोट लागेको र खतरा मुक्त रहेको जानकारी दिए ।
नयाँपेजसँगको फोन सम्पर्कमा गायक राईले आफू दुर्घटनामा परेको भए पनि आफू सेफ रहेको बताएका छन् । उनले अहिले आफू कार्यक्रमस्थल पुगिसकेको र होटलमा आराम गरिरहेको बताएका छन् । गायक राईले भोलि मात्र कार्यक्रम रहेकाले आरामपछि कार्यक्रममा सहभागी हुने बताए ।
उनले दुर्घटनामा रेडियो कान्तिपुरका प्रशासन प्रमुख परमानन्द खनाल र महोत्सवका आयोजक खुमानन्द आचार्य घाइते भएकाे जानकारी दिए । उनीहरू दुबैलार्इ सामान्य चाेट लागेकाे र अवस्था सामान्य रहेकाे उनले बताए ।