ललितपुर धोविघाटको कवाडी गोदाममा आगलागी, तीन जना घाइते
काठमाडौं । ललितपुरको धोविघाटस्थित कवाडी गोदाममा आगलागी भएको छ । ललितपुर महानगरपालिका- ३ धोविघाटस्थित कवाडी सामग्री राखिएको गोदाममा आगलागी भएको प्रहरीले जनाएको छ ।
आगलागीमा ३ जना घाइते भएका छन् । महानगरीय प्रहरी प्रभागका सानेपाका अनुसार घाइतेहरूलाई स्टार अस्पतालमा प्रारम्भिक उपचारपछि थप उपचारका लागि कीर्तिपुर अस्पताल लैजाने तयारी गरिएको छ ।
आगलागीको कारण र क्षतिको विस्तृत विवरण आइसकेको छैन । आगो नियन्त्रणमा आइसकेको छ । आगलागीबाट अधिकांश सामान जलेर नष्ट भएको छ । प्रहरी, दमकल र स्थानीय आगलागी नियन्त्रणमा जुटेका थिए । आजै केहीबेर अघि काठमाडौंको पुतलीसडकस्थित न्युप्लाजा अगाडि बिजुलीको पोलमा आगलागी भएको थियो ।