ललितपुर–३ को मतगणना शुरु
काठमाडौं । ललितपुर निर्वाचन क्षेत्र नं ३ को मतगणना शुरु भएको छ । निर्वाचन अधिकृतको कार्यालय रहेको जावलाखेलस्थित स्थानीय विकास प्रशिक्षण प्रतिष्ठानमा मतगणना थालनी गरिएको हो ।
ललितपुर महानगरपालिका वडा नं २०, २१ र २२ को प्रतिनिधिसभाको प्रत्यक्षतर्फको मतगणना शुरु गरिएको निर्वाचन अधिकृत धर्मराज पौडेलले जानकारी दिएका छन् । मतगणनालाई तीव्र बनाउन चार स्थानमा गणना गर्ने तयारी गरिएको छ ।
अहिले एक ठाउँबाट मात्र गणना थालिएको छ । सो क्षेत्रमा गठबन्धनबाट नेकपा (माओवादी केन्द्र) का पम्फा भुसाल, नेकपा (एमाले) का अमृत खड्का, राष्ट्रिय स्वतन्त्र पार्टीको डा. तोसिमा कार्कीलगायत प्रतिस्पर्धामा छन् ।