रोल्पामा वर्षमान पुन एमालेका पूर्ण बुढामगर भन्दा ४,१६७ मतले अगाडि
रोल्पा । प्रतिनिधिसभातर्फ रोल्पामा नेकपा माओवादी केन्द्रले अग्रता कायम राखेको छ । रोल्पामा अहिलेसम्म १० हजार ९ सय ७३ मत गणना भइसकेको निर्वाचन आयोगले जनाएको छ ।
जसमा माओवादी केन्द्रका उपमहासचिव वर्षमान पुनले ६ हजार ७६८ मत पाएर अग्रता लिइरहेका छन् । एमालेका पूर्ण बुढामगर २ हजार ६०१ मत पाएर पछ्याइरहेका छन् । राप्रपाका लिला राउतले ४६६ मत पाएका छन् । प्रदेश सभामा पनि माओवादी केन्द्रको अग्रता जारी छ ।
प्रदेश सभा १ को ९ हजार ६८३ मत गणना सकिँदा माओवादीका जोखबहादुर महराले ५ हजार ८९० मत पाएका छन् । एमालेका कमल बहादुर बुढाथोकी २ हजार २०४ मत पाएका छन् ।
यसैगरी प्रदेश सभा २ मा ८ हजार ९६३ मत गणना भएको छ । त्यहाँ स्वतन्त्रका धारो चिन्ह लिएका दिपेन्द्र कुमार पुनले ३ हजार ४९७ मत ल्याएर अग्रता लिएका छन् । उनलाई गठबन्धनका साझा उम्मेदवार कांग्रेसका अमरसिह पुनले २ हजार ८८१ मत ल्याएर पछ्याइरहेका छन् । एमालेका प्रेमबहादुर घर्तिमगर १ हजार ९६८ मतसहित तेस्रो स्थानमा छन् ।
