‘ऐना झ्यालको पुतली’ ले पायो एकैपल्ट चार अवार्ड
काठमाडौं । नेपाली बक्स अफिसमा धिमा गतिमा राम्रो कलेक्सन गरेको फिल्म ‘ऐना झ्यालको पुतली’ ले लोभलाग्दो सफलता पाएको छ ।
ओस्कारमा अन्तर्राष्ट्रिय फिचर विधातर्फ प्रतिस्पर्धा गरिरहेको यो फिल्मले भारतमा एकै पटक चार विधामा अवार्ड प्राप्त गरेको छ । सुजित बिडारी निर्देशित ‘ऐना झ्यालको पुतली’ ले भारतको प्रतिष्ठित कौतिक अन्तर्राष्ट्रिय फिल्म फेस्टिभलमा सर्वोत्कृष्ट फिल्मसँगै सम्पादन, अभिनेता र अभिनेत्री विधामा अवार्ड जितेको हो ।
सम्पादक किरण श्रेष्ठ, अभिनेत्री कञ्चन चिमरिया र अभिनेतामा दिनेश खत्रीले अवार्ड उचाले । दक्षिण कोरियाको बुसानमा प्रियिमर भएको फिल्मले यतिबेला अन्य मुलुकका फेस्टिभलमा समेत आफूलाई अघि बढाइरहेको छ । यो फिल्मले नेपाली बक्स अफिसमा करोड माथिको व्यापार गरेको थियो ।