राष्ट्रपति चुनावबारे छलफल गर्न माओवादीको पदाधिकारी बैठक जारी
काठमाडौं । सत्तारुढ नेकपा (माओवादी केन्द्र) को पदाधिकारी बैठक शुरु भएको छ । केन्द्रीय कार्यालय पेरिसडाँडामा बसेको बैठकमा राष्ट्रपति निर्वाचनसहित समसामयिक विषयमा छलफल हुने जनाइएको छ ।
निर्वाचनको मिति नजिँदै गर्दा राष्ट्रपतिको उमेदवारबारे गठबन्धनमै सहमति जुट्न सकेको छैन । आइतबार राति मात्र कांग्रेस नेताहरूले बालुवाटारमै पुगेर राष्ट्रपतिमा आफूहरूलाई सहयोग गर्न प्रधानमन्त्री पुष्पकमल दाहाल ‘प्रचण्ड’ लाई आग्रह गरेका थिए । जवाफमा प्रचण्डले पार्टीमा सल्लाह गरेर निर्णय दिने बताएका थिए ।
