युएईविरुद्ध सन्दीपले दिलाए दोस्रो सफलता
काठमाडौं । आइसीसी विश्वकप लिग– २ अन्तर्गत त्रिकोणात्मक एक दिवसीय सिरिजको महत्वपूर्ण खेलमा नेपाल र युएईबीचको खेल चलिरहेको छ । दुबई अन्तर्राष्ट्रिय क्रिकेट रंगशालामा युएईविरुद्ध नेपालले टस जितेर फिल्डिङ रोजेको नेपालले युएईको दोस्रो विकेट लिएको छ ।
सन्दीप लामिछानेले नेपाललाई दोस्रो सफलता दिलाएका हुन् । आफ्नो दोस्रो ओभर बलि गर्न आएका सन्दीपले ओभरको चौथो बलमा वृत्य अरविन्दलाई आउट गरे । अरविन्दलाई कुशल भुर्तेलले स्लिपमा क्याच गरे ।
१४ ओभरमा युएईले दुई विकेटको क्षतिमा ४८ रन बनाएको छ । यसअघि पहिलो ओभरमै करण केसीले विकेट लिएपछि युएईले पहिलो विकेट गुमाएको थियो । नेपालले लगातार पछिल्लो छैटौँ म्याचमा टस जितेको र फिल्डिङ रोजेको हो । यसअघिका पाँचवटै म्याचमा नेपालले लक्ष्य पछ्याएर जित हासिल गरेको छ । आजको खेल पनि जितेर नेपाल जितको डबल ह्याट्रिक बनाउने लक्ष्यमा छ ।
