उपनिर्वाचन : तनहुँ–१ मा सर्वेन्द्र खनालले गराए उम्मेदवारी दर्ता
तनहुँ । तनहुँ–१ मा हुने उपनिर्वाचनका लागि नेकपा एमालेका तर्फबाट सर्वेन्द्र खनालले उम्मेदवारी दर्ता गरेका छन् । आज (सोमबार) मुख्य निर्वाचन अधिकृतको कार्यालयमा पुगेर खनालले उम्मेदवारी दर्ता गराएका हुन् ।
खनालको प्रस्तावकमा र समर्थकमा क्रमशः भगवती न्यौपाने र एकबहादुर राना रहेका छन् । यो क्षेत्रमा कांग्रेसका तर्फबाट गोविन्द भट्टराई र रास्वपाबाट स्वर्णिम वाग्लेले उम्मेदवारी दर्ता गराउँदै छन् । १० वैशाखमा हुने मतदानका लागि निर्वाचन आयोगले आज ५ बजेसम्म मनोनयनको समय तोकेको छ ।