सभामुखले गरे प्रचण्ड, देउवा र ओलीसँग परामर्श
काठमाडौं । प्रमुख तीन दलका शीर्ष नेताहरू शनिबार सिंहदरबारस्थित सभामुखको कार्यकक्षमा पुगेका छन् । सभामुखको निमन्त्रणामा छलफलका लागि उनीहरू त्यहाँ गएका हुन् ।
छलफलमा प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, प्रतिनिधिसभाका सभामुख देवराज घिमिरे, नेपाली कांग्रेसका सभापति शेरबहादुर देउवा र नेकपा (एमाले) का अध्यक्ष केपी शर्मा ओली सहभागी छन् ।
सभामुखको कार्यालय सिंहदरबारमा प्रमुख तीन दलका शीर्ष नेताहरूसहित भेटघाट भएको प्रधानमन्त्रीको सचिवालयले जानकारी दिएको छ । अहिले सभामुख घिमिरेको तीन दलका शीर्ष नेतासँग परामर्श जारी छ ।
