सिटी र मिलान सेमिफाइनलतर्फ अग्रसर, हाल्यान्डको कीर्तिमान
काठमाडौं । म्यानचेस्टर सिटी र इन्टर मिलानले युरोपेली च्याम्पियन्स लिगमा मंगलबार क्वार्टर फाइनल पहिलो लेगमा प्रभावशाली जित निकालेका छन् । यो जितपछि उनीहरू सेमिफाइनलतर्फ अग्रसर देखिएका हुन् ।
सिटीले एतिहाडमा भएको पहिलो लेगको क्वार्टर फाइनलमा बायर्न म्युनिकलाई ३–० ले हरायो । त्यसमा रोड्री, बर्नाडो सिल्भा र इर्लिङ हाल्यान्डले गोल गरे । हाल्यान्डको यो सिजनको ४५ औं गोल गरेर कीर्तिमान बनाएका छन् ।
लिस्वनमा भएको अर्को खेलमा इन्टरले बेनफिकालाई उसकै घरमा २–० ले पराजित गर्यो । इन्टरका लागि निकोलो बरेला र रोमेलु लुकाकुले गोल गरे । लुकाकुले पेनाल्टीबाट गोल गरेका हुन् ।
