एसीसी प्रिमियर कप : आज मलेसिया र कतार तथा कुवेत र सिंगापुर भिड्दै
काठमाडौं । काठमाडौंमा जारी एसीसी प्रिमियर कप क्रिकेटमा सोमबार दुई खेल हुँदैछन् । मुलपानी मैदानमा मलेसिया र कतारबीच प्रतिस्पर्धा हुनेछ । दुवै खेल बिहान ९ बजे सुरु हुनेछ ।
प्रतियोगिताबाट बाहिरी सकेको मलेसियाले आफ्नो अन्तिम खेलमा जित निकालेर सुखद अन्त्य गर्न चाहन्छ । यस्तै, प्रतियोगिताबाट बाहिरिसकेको कतार मलेसियालाई हराएर जितको खाता खोल्न चाहन्छ ।
यस्तै कीर्तिपुरस्थित टियु मैदानमा कुवेत र सिंगापुरबीच प्रतिस्पर्धा हुनेछ । सिंगापुरलाई हराएर कुवेत सेमिफाइनलमा पुग्ने झिनो सम्भावना कायम राख्न चाहन्छ । यस्तै, प्रतियोगिताबाट बाहिरिसकेको सिंगापुर अन्तिम खेलमा सान्त्वना जित हात पार्न चाहन्छ ।
