हिंडिरहेकी महिलाको सुनको सिक्री लुटेको आरोपमा पक्राउ
काठमाडौँ । सडकमा पैदल हिँड्दै गरेकी एक महिलाको सुनको सिक्री लुटेको आरोपमा प्रहरीले एक युवकलाई पक्राउ गरेको छ । पक्राउ पर्नेमा काभ्रेपलाञ्चोकको धुलिखेल नगरपालिका–१ बस्ने पाण्डे भन्ने विष्णु तामाङ रहेका छन् ।
गत चैत १७ गते काठमाडौँ महानगरापलिका–३२ स्थित पेप्सीकोलामा गेटवे मन्टेस्वरी स्कुल अगाडि भक्तपुरको मध्यपुर ठिमी नगरपालिका–७ बस्ने मनमाया छुजुले घाँटीमा लगाएको ४ तोलाको सुनको सिक्री पछाडिबाट २ सय सिसीको पल्सर मोटरसाइकलमा आएका २ जना अपरिचित व्यक्तिहरूले लुटेर फरार भएका थिए ।
घटनापछि फरार रहेका मोटरसाइकल चालक तामाङलाई प्रहरीले काठमाडौँको जोरपाटीबाट मंगलबार पक्राउ गर्न भएको थियो । उनलाई थप अनुसन्धान तथा कारबाहीका लागि प्रहरी वृत्त बानेश्वर पठाइएको छ ।
