भूकम्पपीडितका लागि माओवादीले पनि बुझायो ५० लाखको चेक
काठमाडौं । सत्तारुढ नेकपा माओवादी केन्द्रले जाजरकोट र रुकुम पश्चिमका भूकम्पपीडितहरूको राहतका लागि ५० लाख रुपैंयाँ प्रदान गरेको छ ।
उपाध्यक्ष पम्फा भुसालको टोलीले नेकपा माओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ लाई भेटेर ५० लाखको चेक हस्तान्तरण गरेको हो । सो रकम प्रधानमन्त्री दैवी प्रकोप उद्धार कोषमा जम्मा हुनेछ ।
यसअघि नेपाली कांग्रेसले ५० लाख रुपैयाँ र नेकपा एकीकृत समाजवादीले २५ लाख रकम सहयोग गरिसकेका छन् । जाजरकोट केन्द्रबिन्दु भएर गएको भूकम्पमा परी जाजरकोट र रुकुम पश्चिममामा गरी १५३ जनाको मृत्यु भएको थियो भने तीन सय जना घाइते भएका छन् ।
