पेरिसडाँडामा माओवादी स्थायी समिति बैठक, नेताहरुको मूल्याङ्कन र कार्यविभाजन गरिंदै
काठमाडौं । नेकपा माओवादी केन्द्रको स्थायी कमिटी बैठक जारी छ । यसअघि पटक–पटक स्थगित हुँदै आएको स्थायी समिति बैठक आजबाट पुनः सुरू भएको हो ।
पेरिसडाँडा, कोटेश्वरस्थित पार्टी केन्द्रीय कार्यालयमा बसिरहेको बैठकमा पदाधिकारीसहित केन्द्रिय नेताहरूको कार्यविभाजन र आगामी मधेस जागरण अभियानलगायतमा छलफल हुँदैछ । बैठकमा समसामयिक राजनीतिक विषयमा, माओवादी रूपान्तरण अभियानमा सक्रिय नेताहरू र निष्क्रिय नेताहरूको मूल्याङ्कन र हालै सम्पन्न विधान अधिवेशनले लिएका निर्णय कार्यान्वयनको बिषयमा छलफल हुनेछ ।