टाइब्रेकरमा स्पेनलाई हराउँदै आयोजक रसिया क्वाटरफाइनलमा
काठमाडौं, १७ असार । आयोजक रसिया स्पेनलाई टाइब्रेकरमा हराउँदै क्वाटरफाइनलमा प्रवेश गरेको छ । रसियाको लुजनिकी रंगशालामा आइतबार राति भएको खेलमा भएको स्पेनलाई टाइब्रेकरमा ४–३ गोल पराजित रसिया क्वाटरफाइनलमा प्रवेश गरेको हो ।
निर्धारित ९० मिनेट खेल १–१ गोल गोलको बराबरीमा टुङ्गिएपछि खेल ३० मिनेटको अतिरिक्त समयमा खेलिएको थियो । अतिरिक्त समयमा पनि गोल हुन नसकेपछि खेलको निर्णय टाइब्रेकरबाट लिइएको हो ।
टाइब्रेकरमा स्पेनका कोके र लागो एसपाले पेनाल्टी मिस गरेपछि रसिया अन्तिम पेनाल्टी हान्न बाँकी हुँदै विजयी भए । स्पेनका लागि इनेष्टा, पिकं र रामोसले गाेल गरे । भने रसियाका समलोभ, सर्गी, समलोभ, चेरिसेभ चारै जनाले आआफ्नो पेनाल्टीमा गाेल गरेका थिए ।
खेलमा स्पेनले १२ औं मिनेटमा आत्मघाती गोलबाट अग्रता लिएको थिए । रसियाका सर्गी इग्नासेभिचले १२ औं मिनेटमा स्पेनले गरेको फ्रिकिकबाट आएको बललाई बल क्लियर गर्न खोज्दा आत्मघाती गोल भएको थियो । इग्नासेभिक विश्वकपको इतिहासमा आत्मघाती गोल गर्ने सबैभन्दा जेठा खेलाडी बनेका छन्। उनी आज ३८ वर्ष ३ सय ५२ दिनका भए।
यस्तै रसियाका लागि ४१ औं मिनेटमा डिजुबाले पेनाल्टी मार्फत बराबरी गरे । रसियाले प्रहार गरेको कर्नर बललाई स्पेनका जेरार्ड पिकले ह्यान्ड गरेपछि रसियाले पेनाल्टी पाएको थियो ।