जर्मनीसँगको ७–१ को हार भन्दा बेल्जियमसँगको हार पीडादायी : पाउलिन्हो
काठमाडौं, २३ असार (एजेन्सी) । ब्राजिलियन मिडफिल्डर पाउलिन्होले रुस विश्वकपबाट बाहिरिनु सन् २०१४ को भन्दा पनि पीडादायी रहेको बताएका छन् ।
क्वाटरफाइनलमा बेल्जियम २–० को हारको हारेपछि पाउलिन्होले चार वर्ष अघिको विश्वकपको सेमिफाइनलमा जर्मनीसँग हार भन्दा पीडादायी भएको बताएका हुन् ।
उनले एक टेलिभिजनमा अन्तर्वार्तामा दिँदै पाउलिन्होले यो खेलको नतिजा स्वीकार गर्न निकै कठिन भएको बताए । उनले आफूहरुले अन्तिम समयसम्म प्रयास गर्दा पनि यो विश्वकपबाट बाहिरिनुपरेको बताए । ब्राजिलका फरवार्ड ग्रावियल जेससले ठुला खेलाडीहरुले गोल गर्न नसकेको कारण शुक्रबारको खेलमा निराशाजनक नतिजा हासिल भएको बताए ।
खेलको शुरूमा नै ब्राजिलका थिएगो सिल्भाले नेमारबाट प्राप्त कर्नरमा हानेको प्रहारले जाली चुम्न सकेन। ब्राजिलले अन्य कैयौँ प्रहारहरू गरे गाेल हुन सकेन् । ब्राजिलले बेल्जियमविरूद्ध २७ वटा प्रहार गरेको थियो।
सन् २०१४ मा आफ्नै घरमा भएको विश्वकपमा ब्राजिलले सेमिफाइनलमा जर्मनीसँग ७–१ गोलको भारी अन्तरले पराजित भएको थियो ।