हेमन्त शर्माको ‘माया प्रिती’ सार्वजनिक
काठमाडौं, ५ जेठ । चर्चित गायक हेमन्त शर्माको ‘माया प्रिती’ बोलको गीत सार्वजनिक भएको छ । उनले आफनौ युटुयुब च्यानल मार्फत मंगलवार उक्त गीत सार्वजनिक गरेका हुन् ।
कम तर लोकप्रिय गीत सार्वजनिक गर्दे आएका शर्मा यो वर्ष लगातार आफनै च्यानल मार्फत गीत गरिरहेका छन् । यस अघि उनले ‘कुसुम’ र ‘पातली’ बोलको गीत सार्वजनिक गरेका थिए ।
सार्वजनिक गीतमा गायक हेमन्त शर्माको स्वर र बिबि अनुरागीको संगीत रहेको छ । भने अमेरिकामा बस्दै आएका गीतकार मणिराज बस्नेतको शब्द रहेको छ ।
गीतको म्यूजिक भिडियोमा अभिनेत्री आँचल शर्मा र अभिनेता आकाश श्रेष्ठको जोडी रहेको छ । भने गायक शर्माले पनि अभिनय गरेका छन् ।
भिडियोलाई बुद्ध थापाले खिचेका हुने भने बिकास धमलाले सम्पादन गरेका हुन् ।