मन्त्रीकै कमाण्डमा संविधान दिवसविरुद्ध जुलुस
काठमाडौं ३ असोज । संविधान दिवसको विरोधमा राजपाले निकालिएको जुलुसमा मन्त्रीले पनि साथ दिएका छन् । बुधवार प्रदेश नम्बर २ जनकपुरमा निकालिएको जुलुसमा प्रदेश मन्त्री सामाजिक विकास मन्त्री नवकिशोर साह संविधानको विरोध गर्दै जुलुसमा सहभागी भएको हो ।
पार्टीको निर्देशनमा जुलुसकाे कमाण्ड गरेर मन्त्री साहले संविधान विरोधको जुलुसमा सहभागी भएकाे हो । मन्त्री साह विरोध सभामा सहभागी हुन मोटरसाइकलमा चढेर जनकपुरको जनक चोक पुगेका हुन् । साहसँगै उनीसँगै राष्ट्रिय सभाका राजपाका सांसद बृषेशचन्द्र लाल, प्रदेशसभा सदस्य परमेश्वर साह लगायतका नेताहरू पनि विरोध सभामा सहभागिभइ संविधान दिवसको विरोध गरेका थिए ।
उक्त सभामा मन्त्री साह सशस्त्र प्रहरीका अंगरक्षक सहित सहभागी भएका थिए । विरोध सभामा मन्त्री साह पुगेपछि भेला भएका नेताकार्यकर्ताले कालो झन्डा बोकेर संविधान दिवसको विरोध गरेका थिए ।
