यी हुन् बलात्कारदेखि ९० जनाको हत्या गर्ने खुंखार व्यक्ति, अन्ततः यसरी पछुताए
काठमाडौं, १७ मंसिर । अमेरिकामा ७८ वर्षीय एक हत्याराले जीवनको सन्ध्याकालमा आफ्ना सबै अपराध स्वीकार गरेका छन् ।
यी सनकी हत्याराले अहिलेसम्म ९० जनाको हत्या गरिसकेको बताए । आफूले क्यालिफोर्नियादेखि फ्लोरिडासम्म हत्या गरेको उनले बताए । स्यामुएल लिटल नामक ती हत्याराको दिमागमा हत्याका तस्वीर अहिलेसम्म पनि ताजै छन् ।
उनले प्रायः सामाजिक र आर्थिक रूपमा विपन्न अश्वेत महिलालाई उनले तारो बनाउँथे । व्यावसायिक यौनकर्मी र नशाको लत लागेका महिलालाई उनले शिकार बनाउँथे ।
उनले सन् १९७० देखि १९८० सम्म धेरैजसो हत्या गरेका थिए । यी खतरनाक सिरियल किलरले हत्यापछि कुनै पनि प्रमाण छोड्दैन थिए ।
उनी आफ्नो शिकारलाई हिर्काएर बेहोश बनाउँथे । त्यसपछि हस्तमैथुन गर्दै उनी शिकारको घाँटी थिचेर मार्थे । प्रहरी अधिकारीहरूले उनका बयानको सत्यता जान्ने कोशिस गरिरहेका छन् ।
लिटलले चार दशकदेखि प्रहरीको पक्राउबाट बच्नका लागि देशभरि घुम्ने गरेको बताए । बाँकी जिन्दगी टेक्सासको जेलमा बिताउन चाहेको उनले बताएका छन् । एजेन्सी