प्रधानमन्त्रीलाई आफ्नै कार्यकर्तासँग त्रास:कालो मास्क र कालो टोपी लगाउनेलाई सभामा निषेध
काठमाडौं, १५ पुस । शनिबार प्रधानमन्त्री केपी शर्मा ओली समूहको नेकपाले आफू पक्षका काठमाडौं जिल्लाका कार्यकर्ताहरूको भेला कमलादी स्थित प्रज्ञा प्रतिष्ठानको सभाहलमा आयोजना गरेको थियो । भेलामा प्रधानमन्त्री ओली पनि आउने कार्यक्रम थियो ।
कार्यकर्ताहरु प्रधानमन्त्री ओली आउन अगावै प्रज्ञा हलमा पुगेका थिए । हलको ढोकमा प्रहरीको चर्को चेक थियो । प्रहरीले कालो कालो मास्क, टोपी र गलबन्दी लगाएकालाई नखोली प्रवेश दिएन । नेता कार्यकर्ता पुग्दा ‘कालो लगाउन नपाइने’ सुरक्षाकर्मीले रोकेका थिए ।
उनीहरुलाई कालो मास्क, टोपी र गलबन्दी फुकालेर मात्रै प्रवेश दिइएको छ । खोल्न नमान्नेलाई फर्काएको थियो ।यही हप्ता कार्की पार्टी प्यालेसमा आयोजित प्रधानमन्त्री ओली सहभागी कार्यक्रममा पनि कालो मास्क र कालो टोपी लगाउन निषेध गरिएको थियो ।
कारण थियो, हलमा पुगेर बिरोध गर्लान् की ? भन्ने । कालो मास्क, गलबन्दी र टोपी लगाएर विरोधका लागि आउने खतराका कारण निषेध गरिएको आयोजकको भनाई छ ।