नेपालले स्पेनमा खेल्ने त्रिदेशीय क्रिकेट श्रृंखला रद्द
काठमाडौं, १० असार । स्पेनमा हुने भनिएको नेपाल सम्मिलित त्रिदेशीय क्रिकेट श्रृंखला स्थगित भएको छ । नेपाल क्रिकेट संघ क्यानका सचिव अशोकनाथ प्याकुर्यालले श्रृंखला रद्द भएको जानकारी दिएका हुन् ।
आईसीसी सीडब्लुसी लिग २ अन्तर्गत नेपाल, नामिबिया र स्कटल्याण्डबीच एक दिवसीय श्रृंखला हुने तय भएको थियो । क्यानले श्रृंखलाका लागि भन्दै २० खेलाडीलाई बन्द प्रशिक्षणमा बोलाएको थियो । तर कोरोना महामारीको प्रभावलाई मध्यनजर गर्दै श्रृंखला जुलाई २०२२ सम्म स्थगित गरिएको हो ।
