भारतीय कलाकार सिद्धार्थ शुक्लाको हृदय घातबाट निधन
मुम्बई, १७ भदौं । भारतका चर्चित कलाकार सिद्धार्थ शुक्लाको निधन भएको छ । उनको निधन हृदयघातबाट भएको हो । ४० वर्षीय उनी भारतको चर्चित टेलिभिजन शो बिग बोस–१३ का विजेता पनि थिए ।
चर्चित टेलिश्रृखंला ‘बालिका बधु’ बाट उनी नेपाली माझ पनि चर्चामा आएका थिए । उनले कयौं बलिउड फिल्ममा पनि अभिनय गरेका थिए । सिद्धार्थको पार्थिव शरीरलाई अहिले मुम्बईको कुपर अस्पतालमा राखिएको छ ।
त्यही उनको पोस्टमार्टम गरिँदैछ । उनी बुधबार राति औषधि खाएर सुतेका थिए । तर उनले के औषधि लिएका थिए भन्ने खुलेको छैन ।
