बुढा भएकै हुन् निर्देशक छवी ओझ ? पूर्व पत्नी रेखाले भनिन् ‘छबी बा’
काठमाण्डौं, २३ फागुन : चलचित्र निर्देशक छवी ओझा र नायिका शिल्पा पोखरेलबीच विवाहको कुरा चलिरहेको छ । विवाहको संघारमा रहेका बेला छवीकी पूर्व पत्नी रेखा थापाले यहि बेला छवीलाई ‘छबी बा’ भनेकी छन् । उनको अर्थ अरु नै केहि भए पनि यसले छवीको उमेर ढल्किँदै गएको पनि संकेत गरेको छ ।
अभिनेत्री रेखा थापा र निर्माता तथा निर्देशक छवि ओझाबीच सम्बन्धविच्छेद भए पनि सम्झना विच्छेद चाहीं अझै भईनसकेको सामाजिक सञ्जालमा आएका अभिव्यक्तिहरुले स्पष्ट पार्छ । हिजोआज रेखा थापा छवि ओझाले गरेका हरेक काम तथा चलचित्र क्षेत्रमा जोडिएका विषयवस्तुमा समर्थन जनाउँदै हौसला बढाउने गर्छिन् । करीब १० बर्षे वैेवाहिक जीवन बिताएका यी दुईबीच कुरा मिल्न छाडेपछि आ–आफ्नो हिसाब–किताब मिलाएर उनीहरु अलग्गिएका थिए । त्यसो त डिभोर्सपछि पनि रेखाको छविसँग अंकमाल गरेका तस्विरहरु सार्वजनिक भएका थिए । यो कपल अहिले पनि गसिपबाट टाढा छैनन् भन्ने रेखा थापाको पछिल्लो अभिव्यक्तिले जनाउँछ ।
रेखाको जन्मदिनमा छवि उपस्थित हुनु र छविको जन्मदिनमा रेखाले शुभकामना दिनु जस्ता क्रियाकलापले पनि यी दुईले पूरानो दुष्मनी भुल्दै गएको अनुमान पनि लगाउन थालिएको छ । अभिनेत्री थापाले हालै सामाजिक सञ्जाल फेसबुकमा एउटा स्टाटस लेख्दै छविको समर्थन जनाउँदै नम्बर वान प्रोड्युसरको संज्ञा दिएकी छिन् । आगामी शुक्रबारबाट देशव्यापी प्रदर्शनमा आउन लागेको छवि ओझा निर्मित फिल्म ‘मंगलम’ टिमलाई अभिनेत्री थापाले शुभकामना पनि दिएकी छिन् ।
फेसबुकमा फिल्मको ट्रेलर शेयर गर्दै उनले लेखेकी छन्– ‘नेपाली फिल्म क्षेत्रका बाले बनाएको फिल्म ‘मंगलम’ यहि शुक्रबार (फागुन २५ गते) देखि प्रदर्शनमा आउँदैछ । छवि बा र ‘मंगलम’ को सम्पूर्ण टिमलाई सफलताको शुभकामना ।’ त्यस्तै, उनले अंग्रेजीमा लेखेकी छिन्–‘छवि ओझा यु आर अलवेज नम्बर वान प्रोड्युसर ।’ यो स्टाटसले पनि छविसँगको उनको मित्रतालाई थप स्पष्ट पारिदिएको छ । यसै वर्ष प्रदर्शनमा आएको रेखा अभिनित तथा निर्मित फिल्म ‘रुद्रप्रिया’ को प्रिमियरमा छविराज, अभिनेत्री शिल्पा पोखरेलसँग कुमारी हल पुगेका थिए । चलचित्र क्षेत्रमा यस्ता गसिप सामान्य जस्तै पनि हुन् । चलचित्र प्रदर्शनको समय आउने बेला निर्माता तथा निर्देशकहरुले विभिन्न हंगामा तथा ह्वीम फैलाउने गरेको पाइन्छ । यसको पछाडि उनीहरुको एउटै कारण हुन्छ– दर्शक बटुल्ने दाउ ।
