म्यानमारमा बन्दीहरूलाई दिइएको यातनाको विषयमा छानविन गर्न अमेरिकाको माग
काठमाडौं, १२ कात्तिक । अमेरिकी विदेश मन्त्रालयले म्यानमारमा बन्दीहरूलाई यातना दिइएको विषयमा छानविन गर्न माग गरेको छ । एसोसिएट प्रेसले म्यानमारको सैनिकले देशैभर बन्दीहरूलाई यातना दिएको जनाएको थियो ।
संयुक्त राष्ट्रसंघको मावनअधिकार सम्बन्धी वरिष्ठ विज्ञले म्यानमारको सेनालाई कडा अन्तर्राष्ट्रिय दबाव दिन आह्वान गरेका छन् । महिला, बालबालिका, बन्दीहरू र रिहा भएका २८ जना मानिसहरूसँगको अन्तर्वार्ताको आधारमा एपीले गरेको अनुसन्धानका बारेमा कारबाही गर्न सांसदहरूले कंग्रेसलाई आग्रह गरेका छन् ।
गएको फेब्रुअरीमा सत्ता कब्जा गरेयता सेनाले १३१ जना बन्दीहरूलाई यातना दिएर मृत्युको मुखमा पुर्याएकोसहित १२ सय मानिसको हत्या भएको छ । एपीले बन्दीहरूको फोटोग्राफिक प्रमाण, रुपाकृति र पत्रहरू लगायतका ९ हजार गोप्य सूचनाको आधारमा रिपोर्ट तयार गरेको थियो । एपी
