आर्सनललाई पराजित गर्दै सिटी पाँचौँ चरणमा
काठमाडौं । प्रिमियर लिगको शीर्ष स्थानमा रहेको आर्सनललाई पराजित गर्दै म्यानचेस्टर सिटी एफए कपको पाँचौँ चरणमा प्रवेश गरेको छ । शुक्रबार राति भएको खेलमा सिटी १–० गोलले विजयी भएको हो ।
सिटीको जीतमा नाथान अकेले गरेको एकमात्र गोल निर्णायक बन्यो । खेलको ६४ औँ मिनेटमा ज्याक ग्रिलिसको पासमा गोल गर्दै अकेले टोलीलाई जीत दिलाए ।
आर्सनलले पहिलो हाफमा गोल गर्ने थुप्रै अवसर पाएको थियो । तर, सिटीका गोलकिपर स्टेफन ओर्टेगाले आर्सनलको प्रयास विफल बनाएका थिए । दुई टोली अब १५ फेब्रुअरीमा लिगमा पुनः आमनेसामने हुँदैछन् ।
