भारतबाट बढेर आयो पेट्रोलियम पदार्थको भाउ
काठमाडौं । भारतबाट पेट्रोलियम पदार्थको भाउ बढेर आएको छ । भारतीय आयाल कर्पोरेसन (आईओसी) ले पठाएको नयाँ मूल्य सूचीमा पेट्रोलियम पदार्थको मूल्य बढेर आएको हो ।
जसअनुसार पेट्रोल प्रतिलिटर ८ रुपैयाँ १ पैसा, डिजेल ७ रुपैयाँ ९८ पैसा, मट्टितेल ४ रुपैयाँ ६१ पैसा तथा हवाई इन्धन ७ रुपैयाँ ८० पैसा बढेर आएको छ । तर खाना पकाउने एलपी ग्यासको मूल्य घटेको छ । प्रतिसिलिन्डर ७५ रुपैयाँ घटेर आएको निगमले जनाएको छ ।
अब निगमको १५ दिनको घाटा ५५ करोड घाटा हुने निगमको भनाइ छ । हरेक १५ दिनमा नयाँ मूल्य कायम हुने नेपाल आयल निगम र इण्डियन आयल कर्पोरेसनको सम्झौता छ ।