एकीकृत समाजवादीकी केन्द्रीय सदस्य मानन्धर एमालेमा प्रवेश
काठमाडौं । सत्तारुढ नेकपा एकीकृत समाजवादी पार्टीकी वैकल्पिक केन्द्रीय सदस्य कमला तुलाधर नेकपा एमालेमा प्रवेश गरेकी छन् ।
आज (शनिबार) एमाले अध्यक्ष केपी शर्मा ओलीलाई भेटेर उनी पार्टी प्रवेश गरेकी हुन् । ललितपुर निवासी तुलाधर नेकपा एकीकृत समाजवादी स्थापनासँगै वैकल्पिक केन्द्रीय सदस्य बनेकी थिइन् । पार्टी प्रवेश कार्यक्रममा बाबुराम थापालगायत एमाले ललितपुरका नेताहरु पनि थिए । उनीसहित एमाले प्रवेश गर्ने एकीकृत समाजवादीका केन्द्रीय सदस्यको संख्या ३१ पुगेको छ ।
