एमालेले शिक्षामन्त्रीलाई भन्यो–शिक्षकका जायज माग पूरा गरौं
काठमाडौं । प्रमुख प्रतिपक्षी नेकपा एमालेले शिक्षकहरूको जायज माग पूरा गर्न सरकारसँग माग गरेको छ । सरकारले संसदमा दर्ता गराएको शिक्षा विधेयकमाथि विरोध जनाउँदै देशभरका शिक्षक काठमाडौं आएर आन्दोलन गरिरहेका छन् ।
एमाले संसदीय दलका सचेतक महेश बर्तौला नेतृत्वको टोलीले बिहीबार शिक्षा, विज्ञान तथा प्रविधिमन्त्री अशोककुमार राईलाई ज्ञापनपत्र बुझाउँदै शिक्षकका माग पूरा गर्न भनेको हो । शिक्षक महासंघसँग वार्ता गरी तत्काल विद्यालय खोल्ने वातावरण बनाउन एमालेको माग छ । साथै सचेकत बर्तौलाले शिक्षकको आन्दोलनमा भएको प्रहरी हस्तक्षेपबारे पनि चासो राखेका थिए ।
