सरकार र शिक्षकबीच ६ बुँदे सहमति, ड्राफ्ट तयार गरिँदै, आन्दोलन फिर्ता
काठमाडौँ । सरकार र तीन दिनदेखि काठमाडौंमा आन्दोलरत शिक्षकहरुबीच ६ बुँदे सहमति भएको छ । आज (शुक्रबार) अपरान्ह भएको चौथो चरणको वार्ताबाट दुवै पक्षबीच ६ बुँदे सहमति बनेको हो ।
आन्दोलित शिक्षकहरु उक्त सहमतिमा हस्ताक्षर गर्न तयार भएसँगै अब आइतबारदेखि देशभरका विद्यालय खुल्ने भएका छन् । सहमति जुटेसँगै शिक्षक महासंघले आन्दोलन फिर्ता लिएको छ । सञ्चारमन्त्री रेखा शर्माले शिक्षकका मागहरू संसदबाट पूरा गर्ने सहमित भएको जानकारी दिइन् ।
