रास्वपाबाट उम्मेदवार बनेपछि मिलन लिम्बूलाई माओवादी निकट प्रेस सेन्टरले गर्यो बर्खास्त
काठमाडौँ । वैशाख १५ गते हुने उपनिर्वाचनमा इलाम–२ बाट राष्ट्रिय स्वतन्त्र पार्टी (रास्वपा) बाट उम्मेदवार बनेका मिलन लिम्बूलाई नेकपा माओवादी केन्द्र निकट प्रेस सेन्टरले बर्खास्त गरेको छ । माओवादी केन्द्रमा आवद्ध लिम्बूलाई रास्वपाले इलाम–२ बाट उम्मेदवार बनाउने निर्णय गरिसकेको छ ।
लिम्बूलाई रास्वपाले उम्मेदवार बनाएसँगै प्रेस सेन्टरले विज्ञप्ति निकालेर बर्खास्त गरिएको जानकारी दिएको छ । लिम्बू माओवादीको उपत्यका विशेष प्रदेश समिति सदस्य र प्रेस सेन्टरका सचिव समेत थिए । उनले माओवादीबाट राजीनामा नदिई उपचुनाव लड्न रास्वपातिर लागेपछि बर्खास्त गरिएको प्रेस सेन्टरका महासचिव सन्तोष पौडेलले बताएका छन् ।