ललितानिवास प्रकरण : भूमाफियाका ३ परिवारसहित ८६ जनालाई अख्तियारले डाक्यो बयानमा ( नामसहित)
काठमाडौं, ११ असार । ललितानिवासको जग्गा अनियमिततामा मुछिएका तीन परिवारसहित ८६ जनालाई अख्तियार दुरुपयोग अनुसन्धान आयोगले बयानका लागि बोलाएको छ ।
अख्तियारले बुधवार सार्वजनिक सूचना जारी गर्दै ललितानिवासको जग्गा अनियमितताबारे छानविनका क्रममा उनीहरु सहित ८६ जनालाई बयानका लागि बयानका लागि बोलाएको हो ।
आयोगले उनीहरुलाई ७ दिनभित्र उपस्थित हुन सूचना निकालेको छ ।
यसअघि नै अख्तियारले शोभाकान्त ढकाल र रामकुमार सुवेदीको घरमा पूर्जी टाँस गरिसकेको छ । अहिले भने शोभाकान्तको छोरी लक्ष्मी ढकालको नाममा सूचना निकालेको हो । उनी हाल अमेरिका छन् ।
सूचनामा उल्लेखित नाममा कल्याण गुरुङको पनि नाम छ । उनी भाटभटेनीका सञ्चालक मीनबहादुरको छोरा हुन् । रामकुमारको श्रीमती माधवी सुवेदीको नाममा पनि सूचना छ भने शोभाकान्तको पत्नी उमा ढकालको नाममा पनि सूचनामा छ । बोलाइएका अधिकांश ललितानिवासमा आफू मोही भनेर दाबी गर्ने व्यक्तिहरु रहेको स्रोतले जानकारी दिएको छ ।
हेर्नुस् बयानका लागि बोलाइएको नामावली