छवि र शिल्पा खोज्दै प्रहरी
काठमाडौं, ९ साउन । फिल्म निर्माता छविराज ओझा र अभिनेत्री शिल्पा पोखरेललाई प्रहरीले खोजिरहेको छ ।
बहुविवाहको आरोपमा अदालतले प्रहरीलाई पक्राउका लागि स्वीकृति दिएपछि उनीहरूको खोजी भइरहेको महानगरीय प्रहरी परिसरका प्रवक्ता होविन्द्र बोगटीले जानकारी दिए ।
महानगरीय प्रहरी परिसरका प्रवक्ता बोगटीले भने, ‘अदालतले पक्राउ पुर्जी जारी गरिसकेको छ । हामी छवि र शिल्पालाई खोजिरहेका छौं ।’
शिल्पाले छविसँग डिभोर्स मागिरहँदा हेमा ओझाले प्रहरीमा बहुविवाहको उजुरी दिएपछि यस प्रकरणमा एकाएक ट्वीस्ट आएको थियो ।
छविकी पहिलो श्रीमती हेमाले केही दिनअघि उनीहरूविरुद्ध बहुविवाहको उजुरी दिएकी थिइन् । त्यसपछि उनको उजुरीको आधारमा अदालतले बुधवार पक्राउ पुर्जी जारी गरेको हो ।