लकडाउन खुलेसँगै काठमाडाैं उपत्यकाकाे बढ्दाे चहलपहल {भिडियाे}
काठमाडाैं, १२ साउन । लकडाउन खुलेसँगै चहलपहल बढ्दा कोरोना भाइरसको संक्रमण थप तीव्र रुपमा फैलिने जोखिम बढेको छ । सरकारले संक्रमण दर कम भएको र सावधानी अपनाउनुपर्ने भन्दै चैत ११ देखि लागु भएको लकडाउन साउन ७ गते हटाएको थियो ।
लकडाउन हटेपछि शहरमा सवारी तथा मानिसको चाप एवम् चहलपहल बढेको छ । चहलपहल बढेसंगै कोरोना संक्रमितको संख्या पनि बढ्दै गएको छ ।
काठमाडौं उपत्यकामा दिनहुँ संक्रमितको संख्या बढिरहेको छ । पछिल्लो समय समुदायमा फाट्टफुट्ट संक्रमण देखिँदै गर्दा सरकार समयमै सचेत हुन नसके यसले खतरा निम्त्याउन सक्ने स्वास्थ्यबिज्ञहरुले चेतावनी दिएको छ ।
त्यस्तै पीसीआर परीक्षण गर्ने क्षमता पनि बढाउनुपर्ने र समूदायमा परिक्षण गर्नुपर्ने आवाज पनि उठेको छ । सरकारले भने लक्षण भएका, संक्रमितको सम्पर्कमा आएका, संक्रमण फैलिएको ठाउँबाट आएका र चिकित्सकले सिफारिस गरेका व्यक्तिलाई मात्र पीसीआर परीक्षण गरिने बताएको छ ।
