अर्चना पनेरुका अमेरिकन प्रेमी पक्राउ
काठमाडौं, २५ चैत : नेपाली ‘पोर्न स्टार’ अर्चना पनेरुका अमेरिकन प्रेमी वल्फ प्रिन्स पक्राउ परेका छन् । शंकास्पद गतिविधिको आरोपमा प्रहरीले उनलाई पक्राउ परेको जनाएको छ । महिला तथा बालबालिकाहरुलाई अवैध रुपमा घरमा राखेको सूचनाका आधारमा महानगरीय प्रहरी प्रभाग बलम्बुले उनलाई शुक्रबार पक्राउ गरेको हो ।
चन्द्रागिरी–८ भकुेण्डेचौरस्थित एक घरमा बस्दै आएका प्रिन्सलाई प्रहरीले पक्राउ गरिएको प्रहरीले जनाएको छ । उनको डेराबाट २ बालबालिकालाई उद्धार गरिएको प्रहरीले जनाएको छ । उद्धार गरिएका बालिकालाई महिला आयोगको जिम्मा लगाइएको छ ।
प्रिन्समाथि महानगरीय प्रहरी परिसर काठमाडौले कार्बाही अघि बढाएको छ । प्रिन्सले आफूले अर्चनासँग बिहे गरेको बताउँदै आएका छन् । उनीहरुले जोडीका रुपमा फोटो सुट पनि गरेका थिए । अर्चनाले भने उनीसँग चिनजान मात्र भएको र बिहे नगरेको बताएकी छिन् । प्रिन्स सामाजिक कामको आवरणमा अवैध धन्दामा संलग्न रहेको प्रहरीको आरोप छ ।