मकवानपुर र काभ्रेमा किरियापुत्रीले गरे मतदान
मकवानपुर । मकवानपुरमा किरियापुत्रीले मतदान गरेका छन् । आइतबार मनहरी गाउँपालिका–४ पशुपतिनाथ माद्यमिक विद्यालयस्थित मतदान केन्द्रमा किरियापुत्री तीन दाजुभाइले मतदान गरेका हुन् ।
किरियापुत्रीहरू बलराम खड्काले मतदान केन्द्र (क), राजकुमार खड्का र राम खड्काले मतदान केन्द्र (ख) मा भोट हालेको मतदान अधिकृत बहादुर कुमालले जानकारी दिए । आफ्नी आमा मैया खड्काको निधनको चौथो दिन उनीहरूले किरियापुत्रीको पहिरनमै बिहान मतदान गरेका हुन् ।
यस्तै काभ्रेपलाञ्चोकमा पनि किरियापुत्रीले मतदान गरेका छन् । काभ्रेको प्रतिनिधिसभा २ को पार्वती मावि मतदान केन्द्रबाट उनीहरुले मतदान गरेका हुन् ।