बाजुरामा बद्री पाण्डेको अग्रता, कर्ण थापा १,१४८ मतले पछाडि
बाजुरा । बाजुरा निर्वाचन क्षेत्र नम्बर–१ मा मतगणना जारी छ । गत ४ मंसिरमा भएको प्रतिनिधिसभा र प्रदेशसभा निर्वाचनको मतगणना बिहीबार (१५ मंसिर) दिउँसोबाट शुरु भएको थियो ।
पछिल्लो मत परिणाम अनुसार यहाँ नेपाली कांग्रेसका बद्रीप्रसाद पाण्डेले अग्रता बनाएका छन् । उनले ४,२१४ मत प्राप्त गरेको मुख्य निर्वाचन अधिकृतको कार्यालयले जानकारी दिएको छ ।
पाण्डेलाई नेकपा एमालेका उम्मेदवार कर्णबहादुर थापाले पछ्याइरहेका छन् । थापाले ३ हजार ६६ मत प्राप्त गरेको आयोगले उल्लेख गरेको छ । राष्ट्रिय प्रजातन्त्र पार्टीका जंगकुमार गिरीले २२ मत प्राप्त गरेका छन् ।