पोर्चुगल पहिलो हाफमा दुई गोलले अगाडि
काठमाडौं । फिफा विश्वकप कतार २०२२ अन्तर्गत अन्तिम १६ चरणको अन्तिम खेलमा पोर्चुगलले स्विट्जरल्यान्डविरुद्ध पहिलो हाफमै २-० को अग्रता लिएको छ ।
कप्तान क्रिस्टियानो रोनाल्डोलाई बेन्चमा राखेको पोर्चुगलले उनकै स्थानमा खेलिरहेका फरवार्ड गोन्कालो रामोसको गोलमा अग्रता लियो । १७ अौं मिनेटमा रामोसले जोआअो फेलिक्सको पासलाई सदुपयोग गर्दै पेनाल्टी क्षेत्र भित्रबाट गोल गरे ।
कार्यवाहक कप्तान पेपेले ३३ अौं मिनेटमा अग्रता दोब्बर पारे । ब्रुनो फर्नान्डेसको कर्नरमा पेपेले ६ यार्ड बक्स भित्रबाट हेडरमार्फत गोल गरेका थिए ।