सन्दिपलाई मैदान उत्रने बेला पारसले दिए यस्तो शुभकामना
काठमाडौं, ६ जेठ । इण्डियन प्रिमियर लिग (आइपिएल) अन्तर्गत दिल्ली डेयर डेभिल्सको अन्तिम खेलमा आज पनि नेपाली युवा क्रिकेटर सन्दिप लामिछाने मैदान उत्र्दै छन् । नेपाली क्रिकेट टिमका कप्तान पारस खड्काले खेल शुरु हुनै लाग्दा सन्दिपलाई सफलताको शुभकामना दिएका छन् ।
पारसले खेल शुरु हुनै लाग्दा सन्दिपलाई शुभकामना दिंदै भनेका छन्, ‘देशलाई गौरववान्वित बनाएका छौं, आज पनि पूरा खेल ।’ सन्दिपले दिल्लीका लागि यसअघि दुई खेल खेलिसकेका छन् । दुवै खेलमा कसिलो बलिङ गरेका सन्दिपको
चर्चा विश्वभर भइरहेका बेला आजको खेलमा समेत सन्दिपले राम्रो खेल प्रदर्शन गर्ने आशा गरिएको छ ।
आजको खेलमा प्लेअफबाट बाहिरिसकेको दिल्लीले हराएमा मुम्बई इण्डियन पनि प्रतियोगिताबाट बाहिरिने छ । दिल्ली र मुम्बईको खेल केही बेरमा दिल्लीको फिरोज शाह कोट्ला मैदानमा हुँदैछ ।