फरक छिन् शृङ्खला
काठमाडौं, २२ मंसिर । अहिले सान्या, चीनमा भईरहेको मिस वर्ल्डको ६८ औँ संस्करणमा सहभागी नेपाली सुन्दरी शृङ्खला हालसम्म सहभागी नेपाली सुन्दरीका दाँजोमा सफल देखिएकी छन् ।
यस अर्थमा अध्ययन तथा पेसाले आर्किटेक्ट इन्जिनियर शृङ्खला अन्य नेपाली सुन्दरीहरुभन्दा फरक पनि देखिएकी छन् कि मिस नेपालकै ईतिहासमा उनले जारी मिस वल्र्ड प्रतियोगितामा विभिन्न मल्टिमिडिया अवार्ड जित्न सफल भएकी छिन् ।
मल्टिमिडिया विधामा उनले जापान, रुस, केन्या, मेक्सिकोजस्ता धेरै देशका सुन्दरीलाई पछाडि पारेकी थिइन् ।
यस्तै डिसेम्बर ३ तारिख् अर्थात यहि सोमबारकै दिन साँझ आयोजित मिस वर्ल्डको अर्को विधा व्युटी विथ ए पर्पोजका लागि सिङ्गापुर, जापान र ईटाली, रुसलगायत दर्जनौँ मुलुकका सुन्दरीहरुका दाँजोमा उनको प्रस्तुती अब्बल भएकै कारण उनी यस विद्याको बिजेताको हकदार भईन् ।
यिनै विद्याका विजेताका रुपमा शृङ्खला मिस वर्ल्डको टप ३० मा स्थान बनाउन सफल भइन् । ब्युटी विथ ए पर्पोजका लागि उनले आफ्नो गृह जिल्ला वृत्तचित्र प्रस्तुत गरेकी थिइन् । आजको गोरखापत्र दैनिकमा यो खबर छ ।
