गायिका मिलन नेवारको ‘सातै रङ्गी’ कविता नेपाली छमछमी नाच्दै
काठमाडौ, ११ असार । गायिका मिलन नेवारको स्वरमा सजिएको ‘सातै रङ्गी’ बोलको गितको म्युजिक भिडियो सार्वजनिक भएको छ । गीतकार ममता राई ‘यात्री’को शब्द रचनामा रहेको ‘सातै रङ्गी’ बोलको म्युजिक भिडियो बुधबार सार्वजनिक भएको हो ।
नचाउने खालको गितमा बुगि बुगि विनर कविता नेपाली सङ्गै शम्भुराज राईको डेब्यु रहेको छ । साथमा मनिश लिम्बू, सिम्रन पुन, नुमा राई, केहरसिंह लिम्बू, नेहरा तामाङ, निरुशा राई र करुणा राईको बेजोड अभिनय रहेको छ । भिडियोको निर्माण शान्तिराज राई रहेका छन ।
वेल डान्सका मेघना मगरको कोरियोग्राफी सङ्गै म्युजिक भिडियोमा तारा देवी इन्टर नेसनल युनिसेक्स ब्युटी सलुनकी संचालिका ब्युटिसियन नाजु निनोहोङ्गछा राईको शृंगार रहेको छ ।
गीतको म्युजिक भिडियोलाई ओम प्रसाईंले छायांकन र अनिल कुमार महर्जनले सम्पादन गरेका छन् भने, सुहाङ लिम्बुको सह निर्देशन र ईन्द्र जिजीबिषाले निर्देशन गरेका हुन् । सार्वजनिक गीतमा पावल चाम्लिङको संगीतरएरेन्ज रहेको छ ।
गीतकार ममता राई विगत केहि बर्ष अगाडि देखि अमेरिकामा बसेर निरन्तर नेपाली गीत-संगीत र समाजसेवामा सक्रिय रहदै आएकी छन् ।