इक्वेटोरियल गिनीको सैन्य क्याम्पमा भयङ्कर विष्फोट, १७ मृत्यु, चार सय बढी घाइते
काठमाडौं, २४ फागुन । अफ्रिकी मुलुक इक्वेटोरियल गिनीको सबैभन्दा ठूलो शहर बाटास्थित सैन्य अड्डामा आइतबार शक्तिशाली विष्फोट भएको छ । घटनामा १७ जनाको मृत्यु भएको छ भने चार सय जनाा बढी घाइते भएका छन् ।
त्यहाँका राष्ट्रपति टिओडोरो ओबिआङका अनुसार सैन्य अड्डामा प्रयोग गरिएको डायनामाइटसँग सम्बन्धित लापरबाहीका कारण विष्फोट भएको हो ।
उनले घटनामा १५ मानिस मारिएको र ५ सय जना घाइते भएको बताएका थिए । तर पछि त्यहाँको स्वास्थ्य मन्त्रालयले १७ जनाको मृत्यु र ४२० व्यक्ति घाइते भएको जानकारी दिएको हो । एजेन्सी
