चालक र सहचालकसँग छ बुँदे प्रतिबद्धता


१३ आश्विन २०७९, बिहीबार
35 Shares
bus2020 03 22 06 25 01

नुवाकोट । जिल्ला ट्राफिक प्रहरी कार्यालय नुवाकोटले चाडपर्व लक्षित सुरक्षा योाजनाअन्तर्गत चालक र सहचालकसँग छ बुँदे प्रतिबद्धता गराउन सुरु गरेको छ ।

चाडपर्वको समयमा हुनसक्ने सवारी दुर्घटना न्यूनीकरण गर्न र यात्रुवर्गलाई सहज यात्रा गराउन ट्राफिक प्रहरीले चालक तथा सहचालकलाई ‘ट्राफिक प्रहरीको दुई मिनेट’ कार्यक्रममार्फत छ बुँदे प्रतिबद्धता गराउन सुरु गरेको कार्यालयका वरिष्ठ प्रहरी नायब निरीक्षक गुणनिधि खकुरेलले जानकारी दिए ।

salt trading.gif.pagespeed.ce .ZcRuUKaeUT

उनका अनुसार यात्रुलाई सम्मानजनक व्यवहार गर्नेदेखि चालक र सहचालक भएकामा गर्व गर्नेसम्मका विषयलाई प्रतिबद्धता जनाउन लगाइएको छ । प्रतिबद्धता पत्रमा ‘म यात्रुलाई सम्मानजनक व्यवहार गर्छु, तोकिएको भाडादर भन्दाबढी भाडा लिने छैन, ट्राफिक नियमको पूर्ण पालना गर्छु, आरक्षण सिटको व्यवस्था अनुसार यात्रु व्यवस्थापन गर्नेछु, अपाङ्गता भएका व्यक्ति, असहाय र विद्यार्थीले भाडा दरमा पाउने छुटको व्यवस्था गर्ने छु तथा आफू चालक र सहचालक भएकामा आफ्नो कामप्रति गर्व गर्दछु’, भनिएको छ ।

ncll 2

चाडपर्वको समयमा हुनसक्ने सवारी दुर्घटना रोक्नका लागि नियम पालनामा सचेत गराउन छ बुँदे प्रतिबद्धतासहित चालक र सहचालकलाई ट्राफिक प्रहरीले दुई मिनेट कार्यक्रममार्फत यात्रुदेखि सवारीसाधनको अवस्थाको जानकारी समेत सङ्कलन सुरु गरेको छ ।

jagdamba.cement

‘यो समय (चाडपर्व)मा यात्रुलाई पर्नसक्ने समस्या र सवारीसाधनको अवस्था थाहाँ पाउन चोकपोष्ट र छड्के चेकजाँच गर्न थालेका छौं’, खकुरेलले भने, ‘सिट संख्याभन्दा धेरै यात्रु राख्ने, बढीभाडा असूल गर्ने, तोकिएको गन्तव्यसम्म नपुर्‍याउने समस्या हुन नदिन सचेत गराइरहेका छाँै, हतार गर्ने, बिग्रेका साधन गुडाउने, एकजना चालकले लामो समयसम्म चलाउने लगायतका सम्भावित दुर्घटनाका कारण रोक्न सकिनेछ भन्ने विश्वास छ ।’

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७